UC News

Xiaomi will Launch Mi A2 in India in Q2

Xiaomi Mi A1, is company ka pehla Android One Smartphone tha, jise India mein bahut achha response bhi mila. Ab jahaan MWC 2018 ki charcha hai, wahin Mi A2 ki khabar bhi aani shuru ho gai hai. Ye rumors ab behad zor pakad rahe hain ki company already Mi 6X (yaani ki Mi A2) par kaam karna shuru kar chuki hai.

Xiaomi will Launch Mi A2 in India in Q2
Third party image reference

Xiaomi ne September 2017 mein Mi 5X launch kiya tha, jise India aur baaki countries mein bhi Mi A1 ke naam ke saath launch kiya gaya. Isi tarah aane waale Mi 6X ko bhi Mi A2 ke naam se other countries mein launch kiya jaa sakta hai.Tech Configurations ke designers ne Mi A2 ka concept bhi taiyaar kar liya hai, jismein nazar aa raha hai ki ye smartphone amazing full view display ke saath aa sakta hai. Is tasveer mein aap dekh sakte hain ki side bezels kitne jyada patle hai aur upper aur lower bezels bhi Mi A1 ke kaafi thin hain.

Rumors ke according, Mi A2 ke upper bezel par 20 MP ka front camera hoga jiske saath LED flash light bhi hogi jo f/2.2 aperture aur Beauty 4.0 jaise features ke saath aayega. Iska rear panel jo ki behad khoobsoorat dikh raha hai, par bhi 12 MP aur 5 MP ka dual rear camera setup hoga jise iPhone X ki hi tarah vertically space diya gaya hai aur center par fingerprint scanner hoga.

Mi A2 ke dono rear cameras ke beech mein LED flash light ko jagah di gayi hai aur iske features honge – f/2.2 aperture lens, PDAF and OIS. Mi A2 mein 6 inch ki full HD+ display aa sakti hai. Saath hi Snapdragon 636 chipset ke saath ismein 4GB aur 6GB RAM ke options honge jinke saath 32GB aur 64GB onboard storage hogi.

Mi A2 ka concept design to taiyaar ho gaya hai, saath hi ye bhi news hai ki ye Red, Black aur Silver colors mein launch kiya jayega. Halaanki ye kan launch hota hai aur India mein kab tak aata hai iski abhi koi information nahin mil saki hai.

For more tech news please Follow Tech-Shek.

Topic: #xiaomi mi a1
READ SOURCE
Open UCNews to Read More Articles